Ailgofrestru nesaf

Yr wyf yn gyflogwr gyda staff i'w rhoi yn ôl yn fy nghynllun pensiwn

Yn seiliedig ar yr wybodaeth rydych wedi'i chyflwyno, mae angen ichi ail-gofrestru rhai staff ar eich cynllun pensiwn. Mae'n rhaid ichi gyflawni'r ddau gam isod, sef cwblhau eich ail-ddatganiad cydymffurfio i roi gwybod inni faint o aelodau o staff rydych wedi'u hail-gofrestru ar eich cynllun pensiwn.

Cofiwch, mae'r rhain yn ddyletswyddau cyfreithiol arnoch chi ac os na wnewch chi eu cyflawni mewn pryd mae'n bosib y cewch chi ddirwy.

Mae hefyd gofyn ichi barhau gyda'ch dyletswyddau parhaus eraill.

Cam 1: Ailgofrestru

1. Gwirio fod gennych chi staff iw hail gofrestru ar eich cynllun pensiwn

Mae'n rhaid ichi wirio oedran ac enillion y staff rydych wedi'u hadnabod a chanfod oes angen ichi eu hail-gofrestru ar eich cynllun pensiwn.

Gwnewch hyn ar drydydd pen-blwydd eich dyddiad ailgofrestru blaenorol.

2. Ysgrifennu at staff rydych wedi'u hail-gofrestru ar eich cynllun pensiwn

Defnyddiwch ein templed llythyr enghreifftiol i ysgrifennu at staff i roi gwybod iddyn nhw eich bod chi wedi'u hail-gofrestru ar eich cynllun pensiwn.

Gwnewch hyn o fewn 6 wythnos i drydydd pen-blwydd eich dyddiad ailgofrestru blaenorol.

Cam 2: Ail-ddatganiad

Cwblhau eich Ail-ddatganiad cydymffurfio erbyn eich dyddiad terfyn

Defnyddiwch ein rhestr wirio ar gyfer ail-ddatgan (PDF, 660kb, 2 dudalen) i gwblhau eich ail-ddatganiad i roi gwybod inni faint o aelodau o staff rydych wedi'u hail-gofrestru ar eich cynllun pensiwn.

Gwnewch hyn o fewn 5 mis i drydydd pen-blwydd eich dyddiad ailgofrestru blaenorol.

Bydd angen eich cyfeirnod PAYE arnoch a naill ai eich cod llythyr neu gyfeirnod eich swyddfa gyfrifon i gychwyn arni.

Back to top

Is this page useful?